Wargeyska Isbaanishka ah Marca ayaa shaaciyay safka suurtagalka ah ee Real Madrid ee xilli ciyaareedka 2025/26, kaasoo uu qorsheynayo tababaraha cusub Xabi Alonso. Qaabka ciyaarta ayaa la filayaa inuu noqdo 3-4-1-2, iyadoo doorkasta si gaar ah loo dejiyay.
Weerarka ayaa waxaa hoggaaminaya labada xiddig ee halista ah – Vinicius Jr. iyo Kylian Mbappé – halka Jude Bellingham uu ka ciyaari doono booska no.10, si uu door weyn uga qaato khadka dhexe iyo weerarka.
Khadka dhexe waxaa si isku dheelitiran uga qeyb qaadan doona afar ciyaaryahan oo kala ah Tchouaméni iyo Valverde oo dhexda ka ciyaaraya, Carreras oo bidix ka ciyaaraya (wuxuu weli la sugayaa in la saxiixo), iyo midkood Trent Alexander-Arnold ama Dani Carvajal oo midig ka ciyaaraya.
Difaaca dambe waxaa ka mid ah da’yarka Huijsen, difaaca adag ee Rüdiger, iyo midkood Militão ama Carvajal. Goolka waxaa difaaci doona Thibaut Courtois oo booskiisa sii xejisan doona.
Safkaan cusub wuxuu muujinayaa rabitaanka Alonso ee ah inuu isku daro xiddigo da’yar iyo kuwo khibrad leh, weerar xoog leh iyo nidaam difaac oo adag. Taageerayaasha Real Madrid ayaa si weyn u sugaya sidii qorshayaashani u hirgeli lahaayeen.
