Tababaraha cusub ee Real Madrid, Xabi Alonso, ayaa si cad u qeexay himiladiisa hoggaamineed isagoo ka hadlay qorshihiisa kooxda ka hor bilaabashada tartanka FIFA Club World Cup.
Wareysi uu siiyay DAZN, Alonso wuxuu yiri:
“Mashruuceyga? Mashruuceygu waa in la guuleysto.
Waxaan ognahay waxa aan nahay, waxaan ognahay waxa aan rabno, waxaan ognahay sida aan rabno inaan u ciyaarno — taas ayaana ah waxa aan ka shaqeyneyno inaan dhisno.”
Alonso ayaa kalsooni buuxda ka muujiyay in kooxdiisa ay horumar la imaan doonto tartanka:
“Waxaan 100% hubaa in kooxda aan noqon doono dhammaadka Club World Cup ay ka fiicnaan doonto kooxda aan hadda nahay. Ciyaar kasta kadib, waxaan hagaajin doonaa waxyaabo badan. Horumar ayaan sameyn doonnaa.”