Xabi Alonso ayaa muujiyay farxaddiisa kadib markii si rasmi ah loogu magacaabay tababaraha cusub ee Real Madrid ilaa Juun 2028, isagoo beddelaya Carlo Ancelotti, oo la wareegay shaqada xulka qaranka Brazil.
Alonso oo ka hadlayay munaasabadda soo bandhigistiisa maanta oo Isniin ah, wuxuu yiri:
“Maanta waa maalin gaar ah, waxay qalbigayga ku qori doontaa raad waara. Waxaan dareemayaa inaan gurigeygii ku soo laabtay, xiriirka aan la lahaa Real Madrid waligiis ma go’in. Ilaa markii aan saacad iyo bar ka hor ka soo degay Valdebebas, dareenkii hore ayaa i soo galay.”
Wuxuu intaas ku daray:
“Waad mahadsan tahay Mudane Madaxweyne, kalsoonida aad igu qabto inaan hogaamiyo marxalad cusub ayaa wax badan iiga dhigan. Tan iyo markii la i shaaciyay, waxaan dareemayaa in Real Madrid ay u diyaarsan tahay billow xilli cusub oo guulo badan leh.”
Alonso ayaa sidoo kale u mahadceliyay qoyskiisa iyo tababarihii uu beddelay:
“Qoyskeyga aad ayaan ugu mahadcelinayaa, la’aantood ma aanan joogi lahayn meeshaan maanta. Waxaan sidoo kale ka hadli doonaa Carlo Ancelotti — saameyntiisii waxay ahayd mid weyn. Cilmiga iyo casharradii aan ka bartay, la’aantood ma aanan gaari lahayn heerkan.”
Ugu dambeyntii, wuxuu yiri:
“Kooxdeennu waa mid cajiib ah, mustaqbalkeenuna waa mid ifaya. Waxaan diyaar u ahay inaan dhiso koox weyn oo guulo waaweyn gaarta, waxaan rabaa taageerayaashu inay ku faanaan kooxdan. Haddii aan abuurno niyaddaas, waxaan yeelan doonnaa koox aan laga adkaan karin.”