Heshiiska goolhaye Mike Maignan ee uga dhaqaaqayey AC Milan si uu ugu biiro Chelsea ayaa la joojiyey.
Sababta burburka heshiiskan ayaa ah in kooxda Chelsea aysan diyaar u ahayn inay buuxiso qiimaha ay Milan ku dalbatay goolhayaha.
Kooxda Premier League-ga ayaa qiimahaas u aragta inuu yahay “cashuur ku aadan Koobka Adduunka ee Kooxaha” waxayna go’aansadeen inay ka baxaan wadahadalada.
Khabiirka kala iibsiga ciyaartoyda ee Fabrizio Romano ayaa Talaadadii ku qoray X: “Heshiiska Mike Maignan ee Chelsea iy AC Milan waa la joojiyey.
“Chelsea diyaar uma ahayn inay buuxiso qiimaha Milan dalbatay, heshiisku ma soconayo waqtiga Koobka Adduunka ee Kooxaha sababtoo ah #CFC ma bixin doonto ‘cashuurta CWC’.
#CFC waxay aaminsan yihiin Petrović, Sánchez, Jorgensen iyo xirfadaha Mike Penders ee doorka goolhaye.”