Goolhayaha Barcelona, Marc-André ter Stegen, ayaa rumeysan in kooxda reer Catalonia ay isku dayeyso inay cadaadis ku saarto si uu u baxo, iyagoo u maraya warbaahinta. Sida ay warinayso Diario Sport, Ter Stegen ayaan dooneynin inuu si dadban uga hadlo xaaladdiisa kooxda, balse wuxuu si weyn ula yaabay xogaha gudaha kooxda oo si joogto ah u soo baxaya.
Xiddiga Jarmalka ah ayaa aaminsan in xogtan la sii daayay si loogu dhaawaco sumcaddiisa, isla markaana loogu qasbo inuu isaga tago kooxda.
Warbixintu waxay sheegaysaa in Barcelona ay qorsheyneyso inay xilli ciyaareedka dambe gooka ku billowdo Joan Garcia — oo durba heshiis la gaaray — halka Wojciech Szczesny laga dhigi doono dooqa labaad.
Si kastaba ha ahaatee, Ter Stegen ma doonayo inuu baxo xagaagan wuxuuna diyaar u yahay inuu dagaallamo si uu booskiisa u difaacdo.
Waxaa muuqata in kalsoonidii hore ee u dhaxeysay isaga iyo maamulka ay hadda mugdi gashay, taasoo abuurtay xaalad aan degganeyn oo gudaha kooxda ah.