Kadib ciyaartii Spain ay 5-4 kaga adkaatay France ee Nations League, Lamine Yamal ayaa noqday xiddiga loogu hadal-haynta badan yahay kubadda cagta, iyadoo dad badan oo caan ah ay si cad u dalbadeen in la siiyo abaalmarinta Ballon d’Or.
Xiddigan 17-jirka ah ayaa soo bandhigay ciyaar aan caadi ahayn, taasoo keentay in hoggaamiyayaal, halyeeyo iyo madax sare ay si isku mid ah u taageeraan musharaxnimadiisa.
Bastian Schweinsteiger, halyeyga Jarmalka iyo Bayern Munich: “Ballon d’Or? Lamine waa inuu ka sarreeyaa Dembele.”
Luis De la Fuente, macallinka Spain: “Lamine Yamal waa ciyaaryahanka ugu fiican adduunka. Wuxuu ficilkiisa ku muujiyay garoonka, wuxuuna mudan yahay Ballon d’Or.”
Rafael Louzan, Madaxweynaha Xiriirka Kubadda Cagta Spain: “Lamine Yamal wuu u qalmaa Ballon d’Or.”
Mikel Merino, ciyaaryahan Arsenal: “Ma ihi qofka go’aaminaya, laakiin shaki la’aan Lamine wuxuu gaaray heerka Ballon d’Or, mar kale ayuu maanta caddeeyay.”
Xitaa Lamine laftiisa wuxuu yiri: “Haddii Ballon d’Or lagu qiimeynayo kulankan, waan aqbali lahaa.”
Spain waxay hadda sugaysaa finalka Nations League oo ay la ciyaari doonto Portugal – fursad kale oo Lamine ku xoojin karta doodda abaalmarinta.