YAAB: Frank Lampard Oo Xaaskiisa Ka Mamnuucay Inay Munaasibadaha Cashooyinka Qabato Maalinta Ay Chelsea Ciyaarayso & Sababta

Advertisements

Tababaraha kooxda Chelsea ee Frank Lampard ayaa qirtay inuu qoyskiisa ka mamnuucay inay sameeyaan kulamada cashooyinka ah ee dadku iskugu yimaadaan maalinta ay kooxdiisu ciyaarayso.

Lampard ayaa kooxdiisa oo bandhig wanaagsan iyo guulo kusoo raaxaysanaysay ku hoggaamin doona berrito magaalada Newcastle halkaas oo ay kulanka furitaanka toddobaadka sagaalaad ee Premier League u tagayaan Newcastle United.

Kulankaas ayay qasab noqon doontaa in xaaska Lampard ay rajayn doonto inay Chelsea guul soo gaadho oo ay hesho guusheedii shanaad ee xidhiidh ah maadaama ay afar kulan xidhiidh u badiyeen kahor fasaxii caalamiga ahaa.

Advertisements

Sababta ay xaaska Lampard u rajayn doonto in Blues guuleystaan ayaa ah in sida uu halyeeyga ree England qirtay uu yahay mid aad u dabeecad xun marka ay kooxdiisu ciyaarayso kaddib haddii ay guuldarro la kulanto.

Frank ayaa qirtay in dabeecad xumadiisa kaddib marka ay guuldarro qaabilaan ay ka dhigtay mid mamnuuca in gabi ahaanba gurigiisa munaasibado casho lagu qabto maalmaha ay kulamo ciyaarayaan.

Macalinka Blues oo arrintaas ka hadlayay ayaa yidhi “Lama ogola inaanu munaasibado casho samayno amaba nooc isku imaatin ah kaddib kulamada haddiiba ay waxa ugu xumi (Guuldarro) yimaadaan”

“Sababtoo ah haddii aanu guuldarro la kulano anigu waxaan ahay mid aad u dabeecad xun, isma celin karo”

Lampard ayaa wali ah xiddiga abid ugu goolasha badan Chelsea isaga oo 211 gool usoo dhaliyay kooxdaas rekoodhkeedaasna ku haysta kaddib 648 kulan oo uu usoo ciyaaray intii u dhaxaysay 2001 ilaa 2014.

Lampard ayaa nolol cusub u sameeyay Chelsea isagoo kula soo guuleystay ka ciyaaryahan ahaan saddex Premier League, afar FA Cup, laba League Cup iyo min hal Champions League iyo Europe League ah.

Advertisements
Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*