Wararkii Ugu Dambeeyey Suuqa Iibka Ciyaartoyda Ee Maanta Oo Sabti Ah Ay Qoreen Wargeysyada Yurub

Advertisements

Maalin wanaagsan akhristayaasheena sharafta leh meel kasta oo aad dunida ka joogtaan. Suuqii iibka ciyaartoyda ee xagaagii waxa uu xidhmay horraanta bishii October, waxaana dhowaan la sugayaa inuu furmo suuqa waqtiga jiilaalka ee bisha January oo muddo kooban ay kooxuhu u heli doonaan inay kaga soo faa’iidaystaan.

Kooxaha dhaawacyadu ragaadiyeen amaba doonaya inay helaan xiddigo ka caawiya xallinta dhibaatooyinkii ay soo arkeen qaybta hore ee xili ciyaareedka ayaa suuqa geli doona, sidoo kalena ciyaartooyo heshiisyada kooxahoodu dhamaad yihiin ayaa la kala jiidan doonaa oo lala soo wareegi doonaa, halka qaarkoodna heshiisyo hordhac ah lala sii gaadhi doono.

Sidii aad horeba nooga barateen, waxa aanu halkan idiinku soo gudbinaynaa si joogto ah, wararkii ugu dambeeyey suuqa iibka ciyaartoyda ee ay qoreen wargeysyada waaweyn ee Yurub iyo xanta hoose ee aan wali bannaanka usoo bixin ee sida sirta ah ay jaraa’idku uga heleen kooxaha ee la xidhiidha suuqa.

Advertisements

Haddaba, waxa aanu halkan idiinku soo gudbinaynaa wararkii ay saaka oo Sabti ah qoreen wargeysyada waaweyn, waxaana xuquuqda wararkan iska leh isla wargeysyada aanu kasoo xiganay oo aanu magacooda war walba ku hor qornay.

Arsenal ayaa ka shaqaynaysa sidii ay gacanta ugu dhigi lahayd laacibka khadka dhexe ee reer Hungary ee Dominik Szoboszlai oo 23 jir ah, kaas oo qandaraaskiisa RB Salzburg lagu burburin karayo £23 milyan oo Gini. (Mirror)

Tottenham ayaa la filayaa inay samayso saxeex cusub bisha January, waxaanay raadinaysaa difaac dhexe iyadoo la filayo inuu ka tago 24 jirka heerka caalami ee reer Colombia ee Davinson Sanchez. (Football Insider)

Jurgen Klopp ayaa ku adkaystay in aanu hubin haddii kooxdiisa Liverpool ay difaacyahanno ka doonan doonto suuqa iibka ciyaartoyda bisha January. (Goal)

Liverpool waxay loo sheegay inay bixin doonaan £26.7 milyan oo Gini haddii ay doonayaan inay la saxeexdaan difaaca Ajax ee Perr Schuurs oo 20 jir ah, kaas oo ay sidoo kale xiisaynayso AC Milan. (Sempre Milan)

Tababaraha Everton ee Carlos Ancelotti ayaa hoos u dhigay wararka sheegaya inuu u dhaqaaqayo saxeexa labada ciyaartoy ee Isco oo Real Madrid dhexda uga ciyaara, ahna 28 jir iyo Sami Khedira oo ah 33 jir kana tirsan Juventus. (Liverpool Echo)

Khadka dhexe ee reer Switzerland ee Granit Xhaka oo 28 jir ah, qorshaha uguma jirto inuu ka tago Arsenal oo uu u wareego Inter Milan bisha January. (Calciomercato)

Xiddiga reer Colombia ee James Rodriguez wuxuu beeniyey warar sheegaya inay qolka lebbiska isku qabsadeen qaar ka mid ah ciyaartoyda xulkiisa. Laacibka dhexda uga ciyaara Everton ayaa lagu warramay inay isku dhaceen Jefferson Lerma oo ah 26 jir u ciyaara Bournemouth iyo Davinson Sanchez oo Tottenham difaaca uga ciyaara. (Star)

Giovanni Reyna oo ah 18 jir u dhashay Maraykanka ayaa heshiis waqti dheer ah oo cusub qalinka ugu duugay Borussia Dortmund, xilli lala xidhiidhinayay Liverpool. (Team Talk)

Aabaha dhalay Erling Haaland ee Alf-Inge oo waqtigii uu dhallinyarada ahaa u ciyaari jiray Nottingham Forest, Leeds iyo Man City ayaa qiray in weerarka reer Norway ee 20 jirka ah ee uu isagu dhalay, ay xiisaynayaan kooxo Premier League ka dhisan, balse uu isagu diiradda saarayo inuu koobab kula guuleysto Borussia Dortmund. (Sport 1)

Trevor Sinclair oo dhexda uga ciyaari jiray Manchester City ayaa rumaysan in Lionel Messi uu iman doono Etihad Stadium kaddib markii uu heshiis cusub saxeexay tababare Pep Guardiola. (Talksport)

Chris Smalling ayaa dhalleecayn ugu jeediyey Manchester United in aanay si fiican ugu caddaynin mustabqlkiisa ka hor intii aanu Roma sannadkii hore, laakiin 30 jirkan difaaca ah ayaa tibaaxay inuu ku faraxsan yahay waqtigiisa Talyaaniga. (Telegraph)

Leeds United waxay dalab £20 milyan oo Gini ah ka gudbinaysaa garabka kooxda Rangers ee Ryan Kent oo 24 jir ah, haddii uu diido inuu la xaajoodo kooxdiisa  oo qandaraas cusub u bandhigtay. (Football Insider)

Advertisements
Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*