WAR LA SUGAYAY: Pep Guardiola Oo Kaddib Heshiis Kordhintii Uu Sameeyay Si Cad Uga Hadlay Haddii Uu Lionel Messi Keenayo Man City

Advertisements

Tababaraha kooxda Manchester City ee Pep Guardiola ayaa si cad uga hadlay haddiiba uu kabtanka Barcelona ee Lionel Messi keenayo gegida Etihad Stadium kaddib markii uu dhawaan heshiis cusub u saxeexay kooxdaas.

City ayaa si weyn loola xidhiidhinayay Messi kaddib markii uu xiddiga dhalasho ahaan kasoo jeeda Argentina shaaciyay rabitaankiisa ah inuu doonayo inuu iskaga baxo kooxdii uu 20-ka sano kasoo tirsanaa.

El consejo de Pep Guardiola a Messi y la postura del City: El DT le aconsejó que se quede en el Barcelona y el club dijo que solo puede ficharlo si queda

Walow uu 33 sano jirkaasi ka laabtay go’aankiisii hore haddana City ayaa wali baaqi ku ah xiisaha ah inay la saxeexato waxaana ay kor u qaadi doonaan rabitaankooda ah inay helaan kaddib markii uu Pep laba sano oo kale saxeexay.

Advertisements

Guardiola oo ka hadlay xaalada Messi markii ugu horreysay tan iyo heshiis kordhintiisii ayaa sheegay inuu jeclaan lahaa inuu Messi waayihiisa ciyaareed ku dhammaysto Barca balse diiday inuu meesha ka saaro inay la saxeexan karaan kaddib qandaraaskiisa oo dhammaadka xilli ciyaareedkan ku eeg.

“Isagu waa ciyaaryahan Barcelona ka tirsan, haddii aad aragtidayda i weydiiso anigu abaal badan ayaan uga hayaa Barcelona wixii ay ii qabatay” ayuu ugu horreynba yidhi macalinka Sky Blues.

“Iyagu waxay aniga i siiyeen waxkasta sidaas darteed waxaan doonayaa in isagu (Messi) ku dhammaysto waayihiisa ciyaareed halkaas, malaha kun jeer ayaan idhi Leo haku dhammaysto waayihiisa ciyaareed halkaas, laakiin isaga hal sano oo uu dhammaysto ayaa u hadhsan mana garanayo waxa maskaxdiisa ka dhacaya”

Advertisements
Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*