“Walaashaa……” – Tababaraha AC Milan Oo Cay U Miisay Solskjaer Oo Amaanayay Isaga & Erayadii Qalafsanaa Ee Uu Ku Yidhi

Tababaraha kooxda AC Milan ee Stefano Pioli ayaa u muuqday mid aad uga cadhaysan dhigiida Manchester United dhammaadkii kulankii labada kooxood dhex maray habeenimadii Khamiistii ee ka tirsanaa wareega 16-ka ee UEFA Europe League.

Advertisements

Iyadoo ay labada kooxood lugtii hore kusoo kala baxeen bar-bardhac min 1 gool ah ayuu Paul Pogba sameeyay kala duwanaanshaha ciyaartii ka dhacday San Siro isaga oo daqiiqadii 47-aad shabaqa dhex dhigay goolka ay kooxdiisu ku badisay.

Pioli ayaa ahaa mid aaminsan in kooxdiisa Milan ay u qalantay inay guul gaadho maadaama oo ay qaab wanaagsan u ciyaartay iyadoo ay khubarada kubadda cagtu ku amaaneen hab ciyaareedkeedii kulankaas.

Kulanka kaddib ayuu tababaraha Manchester United ee Ole Gunnar Solskjaer amaanay kooxda tababare Pioli ee Milan balse amaantiisa ayaa u muuqatay mid sababtay cadhada iyo in la arko dhinaca xun ee tababaraha Rossoneri.

Kaddib markii la yeedhiyay siidhigii ugu dambeeyay ee ciyaarta, 48 sano jirka Norwegian-ka ah ayaa u tagay Pioli si uu ugu hambalyeeyo qaab ciyaareedka wacan ee kooxdiisu la timid.

“Koox wanaagsan” ayuu ku yidhi Ole Gunnar isla markii uu u tagay tababarihii hore ee Fiorentina oo isaguna u muuqday mid u fahmay hadaladaas jees-jees.

Stefano Pioli ayaa isaga oo cadhaysan ugu jawaabay Ole “Koox wanaagsan doqonkaygiiyaw, waxba ma tihid aan ka ahayn doqon, walaashaa baa koox wanaagsan haysata”

Advertisements

 

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*