Shaxda Rasmiga Ah Ee Man City vs Arsenal – Ayay Guardiola Iyo Arteta Ku Soo Bilaabeen Shaxdooda? Miyuu Saxiixa Cusub Thomas Partey U Ciyaarayaa Gunners?

Advertisements

Manchester City ayaa garoonkeeda caawa ku soo dhaweyneysa Arsenal iyadoo tababare Pep Guardiola uu dib ugu soo dhaweynayo garoonka caawiyihiisii hore Mikel Arteta oo haatan hogaaminaya xiddigaha Gunners.

Arteta ayaa u baahan inuu guul ku hogaamiyo kooxdiisa caawa si uu u muujiyo in Arsenal ay horumar weyn sameysay bilihii ugu danbeeyay halka Man City ay dooneyso inay boorka iska jafto oo ay wadada guusha cagta saarto.

Manchester City lagama badinin sagaalkii kulan ee ugu danbeysay ee Premier League ee ay la ciyaareen Arsenal, guuldaradii ugu danbeysay waxay aheyd mid 2-1 oo soo gaartay sannadkii 2015.

Advertisements

SHAXDA RASMIGA AH:

Kevin de Bruyne ayaa kulankaan ku seegaya dhaawac soo gaaray intii uu la maqnaa xulka dalkiisa Belgium, wuxuuna miiska daaweynta kula biirayaa Gabriel Jesus oo isna waqti aan la cayimin garoomada ka maqanaanaya.

Sergio Aguero oo qaliin looga sameeyay jilibka bishii Juun ayaa soo laabtay isagoo lagu soo bilaabay shaxda islamarkaana hogaaminaya weerarka halka Raheem Sterling, Joao Cancelo iyo Bernando Silva ay ka soo kabsadeen dhaawacyadii ay qabeen iyagoo ku soo bilowday kulanka caawa.

Dhanka kooxda Arsenal saxiixa cusub Thomas Partey ayaa kursiga keydka fadhiya iyadoo la filayo inuu qeyb ka ciyaaro kulanka caawa, halka David Luiz keyd la geliyay iyadoo Gabriel uu ka garab ciyaarayo Holding.

Weerarka waxaa isla hogaaminaya Aubameyang, Willian iyo Pepe iyadoo Xhaka, Saka iyo Ceballos ay khadka dhexe ka ciyaarayaan.

Man City: Ederson, Walker, Dias, Ake, Cancelo, Rodrigo, Foden, Silva, Mahrez, Aguero, Sterling.

Keyd: Steffen, Stones, Gundogan, Torres, Fernandinho, Delap, Garcia.

Arsenal: Leno, Holding, Gabriel Magalhaes, Tierney, Bellerin, Ceballos, Xhaka, Saka, Willian, Aubameyang, Pepe.

Keyd: Runarsson, Lacazette, Maitland-Niles, Partey, Luiz, Elneny, Nketiah.

Advertisements
Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*