Miyaa Sergio Aguero Lagu Ganaaxi Doonaa Inuu Taabtay Jidhka Gabadhii Garsooraha Ka Ahayd Kulankii Arsenal Ee Xalay?

Advertisements

Waxa aad loo hadal hayaa dhacdo xalay dhex martay weeraryahanka kooxda Manchester City ee Sergio Aguero iyo waliba gabadhii calan-wadaha ka ahayd kulankaas ee Sian Massey-Ellis intii uu socday kulankii ay guusha 1-0 ka ah ka gaadheen Arsenal.

City ayaa kusoo laabatay wadada guulaha kaddib markii ay labadii kulan ee hore guuldarro iyo bar-bardhac kala soo kulmeen kooxaha Leicester City iyo Leeds United iyagoo Gunners kaga guuleystay gool uu Raheem Sterling dhaliyay.

Dhacdada ugu hadal haynta badan kulankaas ayaa ahayd midii uu Aguero oo kubad gees u baxday (Throw) kula murmaya Sian Massey-Ellis uu garabkeeda taabtay.

Advertisements

Dhacdadaas ayaa noqotay mid hadal hayn aad u badan dhalisay iyadoo ay jiraan warar sheegaya inuu dhaliyaha ree Argentina ganaax ku mudan karo midaas.

Haddaba, wargeyska Guardian oo hadda warbixin kasoo saaray xaalada Aguero iyo haddiiba taabashadiisa Sian Massey-Ellis uu ganaax ku mudan karo ayaa sheegay inuusan 32 sano jirkaasi wax ganaax ah kula kulmi doonin midaas.

Tababare Pep Guardiola oo kulanka kaddib wax laga weydiiyay dhacdadaas ayaa saxaafada weydiistay inaysan dhibaato ka dhex raadin wixii dhacay isla markaana uu Sergio yahay mid kamida dadka ugu fiican ee uu noloshiisa la kulmay.

“Sergio waa qofka ugu wanaagsan ee aan noloshayda la kulmay, eega dhibaatooyinka xaaladaha kale maaha dhacdadan” ayuu kulanka kaddib yidhi tababarihii hore ee Bayern Munich.

Advertisements
Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*