Maxay Aheyd Hadiyadii Qaaliga Aheyd Ee Zlatan Ibrahimovic U Iibiyay Xiddigaha AC Milan Ee Ka Maseyrsiisay Jamaahiirta Kubada Cagta?

Advertisements

Weeraryahanka AC Milan Zlatan Ibrahimovic ayaa hadiyad u iibiyay xiddig kasta oo ka tirsan kooxda Talyaaniga, isagoo u soo iibiyay ciyaar gacmeedka cusub ee sida weyn loo raadinayo ee PlayStation 5.

Seddex ka mid ah ciyaartoyda Rossoneri ayaa Instagram soo dhigay sawiro ay uga mahadcelinayaan hadiyada ay ka heleen 39 jirkan ka dib markii ay gacanta ku dhigeen PlayStation 5.

Samu Castillejo thanked Zlatan Ibrahimovic for the PS5 by sharing a snap of his Lamborghini

PS5 ayaa kaliya maanta suuqa la soo dhigay iyadoo macaamiisha ay isku dayayaan inay gacanta ku dhigaan ciyaar gacmeedkan ay sameyso shirkada Sony.

Advertisements

Xiddigaha sida Mateo Musacchio, Samu Castillejo iyo Rafael Leao ayaa dhamaantood ka mahadceliyay inay sida ugu dhakhsiyaha badan u heleen PS5.

Musacchio ayaa Ibrahimovic ku xusay fariintiisa Instagram isagoo soo sawiray PS5 oo dhex yaala gurigiisa.

Xiddiga reer Spain ee garabka ka ciyaara Castillejo ayaa isna uga mahadceliyay halyeeyga reer Sweden hadiyada uu ka helay isagoo sawir ka soo qaaday PlayStation 5 oo u dulsaaran gaarigiisa Lamborghini.

AC Milan forward Rafael Leao also thanked Ibrahimovic for his generous gift

Weeraryahanka reer Portugal Leao ayaa isna la dhacay hadiyada qaaliga ah ee uu ka helay xiddigii hore ee Juventus iyo Inter Milan isagoo soo qoray: “Waad mahadsan tahay midkii ugu fiicnaa abid hadiyada aad i siisay.”

Taageerayaasha ayaa durbadiiba bilaabay inay ka hadlaan sababta ay u iibsan kari waayeen maanta PS5 inay tahay inuu Ibrahimovic wada iibsaday intii suuqa la soo dhigay.

Taageere ayaa ku kaftamay: “La yaab ma ahan inaan dadkeena caadiga ah heli karin balse ay ciyaartoyda kubada cagta durbaba heystaan.”

Mid kale ayaa yiri: “Oo tan ayay sabab u ah inaan maanta heli waayay.”

Ibrahimovic ayaa qaab ciyaareed fiican u soo bandhigaya AC Milan xilli ciyaareedkan isagoo dhaliyay sideed gool kaliya shan kulan uu saftay horyaalka Serie A.

Advertisements
Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*