HORDHAC: Chelsea vs Newcastle United – Blues Oo Booska 4-aad U Socda, Shaxda Macquulka Ah & Xogta Labada Dhinac

Chelsea ayaa isku dayi doonta inay guusheedii shanaad oo xidhiidh ah gaadho tartamada oo dhan kulanka ay caawa soo dhawaynayso dhigeeda Newcastle United.

Advertisements

Chelsea ayaa ahayd mid wanaagsan oo wacdarro dhigaysay tan iyo magacaabistii tababare Thomas Tuchel halka Newcastle qudheedu aysan xumayn kulamadii u dambeeyay kaddib laba guulood oo ay kasoo heshay saddexdii ciyaarood ee u dambeeyay.

Image result for Chelsea v Newcastle preview sky s[orts

Waayaha Stamford Bridge ee Tuchel ayaa ku bilawday bar-bardhac goolal la’aan ah oo ay la galeen Wolves balse tan iyo wakhtigaas ayay kasoo gudbeen afar kulan oo ay guulo si xidhiidh ah usoo gaadheen.

Chelsea ayaa hadda booska 1-aad ku jirta waxaana guul ay ciyaartan gaadhaan ay ku tagi doonaan booska 4-aad ee miiska kala sarreynta Premier League iyagoo ka sarre mari doona Liverpool oo markale kuftay toddobaadkan.

Advertisements

WARARKA LABADA KOOXOOD EE KULANKA KAHOR

Chelsea ayuu markale ka maqnaan doonaa hoggaamiyaha daafaceeda ee Thiago Silva taas oo ka dhigan in Andreas Christensen uu kusoo bilaaban doono.

Timo Werner oo sidoo kale dhaawac lugta ah oo fudud ku maqnaa kulankii Barnsley ayaa la filayaa inuu soo laabto balse lama hubo haddii uu tijaabada taam ahaansho ee kulankan ka gudbi karo Kai Havertz.

Safka Chelsea ayaa la filayaa inuu u ekaan doono midkii ay Sheffield United ku wajaheen toddobaadkii hore iyadoo Mount iyo Werner ay garbaha ka ciyaarayaan balse Tammy Abraham ayaa booska weerarka dhexe kala bixi kara Olivier Giroud.

Dhinaca Newcastle waxa maqnaan doona weeraryahan Callum Wilson oo mudo garoomada seegaya, sidoo kale Fabian Schar iyo Javier Manquillo.

Shaxda Macquulka Ah Ee Labada Kooxood

Chelsea: Mendy; Azpilicueta, Christensen, Rudiger; James, Jorginho, Kante, Chilwell; Mount, Abraham, Werner

Newcastle United: Darlow; Krafth, Clark, Dummett, Lewis; Hayden, Willock, Shelvey, Almiron; Joelinton, Saint-Maximin

Xogta Kulanka

Tartanka: Premier League

Garoonka: Stamford Bridge

Wakhtiga: 11:00 habeenimo xilliga geeska Africa

Garsoore: Peter Bankes

Advertisements

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*