Garth Crooks Oo Ku Dhawaaqay Kooxdii Ugu Wanaagsanayd Toddobaadkan Horyaalka Premier League

Advertisements

Khabiirka ciyaaraha, Garth Crooks ayaa soo xushay shaxda kooxdii ugu wanaagsanayd usbuuca koowaad ee horyaalka Premier League oo ay dhaceen siddeed ciyaarood.

Horyaalka Premier League ayaan laga diiwaangelinin wax barbarro ah usbuucan, waxaana dhamaan siddeeddii ciyaarood ee dhacay lagu kala badiyey goolal ka badan 1 marka laga reebo laba kulan oo min 1-0 kusoo dhamaaday.

Ciyaaryahanno badan ayaa bandhig wanaagsan muujiyey usbuucan, waxaanay qaarkood ahaayeen saxeexyadii cusbaa ee kusoo biiray horyaalka Premier League, halka laacibiinta qaarkoodna yihiin kuwo hore usii joogay oo naadiyadooda beddelay, sida Willian oo Chelsea ka tegay una wareegay Arsenal.

Advertisements

Khabiirka ciyaaraha, Garth Crooks oo ka hawl-gala BBC Sports ayaa toddobaad walba sameeya shaxda kooxda ugu wanaagsanayd kulamada dhacay, waxaana markan uu soo xushay xiddigo aanay doodi ka iman karayn oo ahaa kuwii ugu mudnaa garoomada.

Kulankii dhex-maray Crystal Palace iyo Southampton ee kusoo dhamaaday 1-0 ay Palace guusha ku gaadhay, waxa libinteeda ay uga mahad-celiyeen goolhaye Vicente Guaita oo muujiyey bandhig cajiib ahaa, isaga oo u babbac-dhigay, iskuna duubay kubbado ahlis ahaa oo goolal noqon karayay.

Danny Ings ayuu ka diiday inuu shabaqiisa gaadho inkasta oo uu haliso badan sameeyey, waxaana uu guusha iyo saddexda dhibcood ba ugu ilaaliyey kooxdiisa goolkii uu dhaliyey Wilfried Zaha.

Difaaca waxa si weyn isku muujiyey Castagne oo Leicester City u buuxiyey booskii uu banneeyey Ben Chilwell oo u wareegay Chelsea, waxaana bandhiggiisa uu ku mutaystay inuu kusoo baxo kooxda toddobaadka.

Saxeexa cusub ee Arsenal ee Gabriel Magalhaes ayaa isaguna wacdaro ka dhigay kulankii Fulham oo uu gool dhaliyey, isla markaana ciyaar tayadeedu sarrayso iyo hab-difaac wanaagsan uu la yimid.

Romain Sais oo Wolves ah ayaa isaguna kusoo baxay kooxda usbuuca ee Gareth Crook, waxaana ku wehelinaya Lamptey.

Mohamed Salah oo saddexlay dhaliyey, Dominic Calvert-Lewin oo saxeexay goolkii ay Everton ku garaacday Tottenham iyo Aubameyang oo gool ku darsaday guushii Arsenal ee Sabtidii ayaa uu Gareth Crook usoo xushay shaxda usbuuca.

Shaxda usbuuca ee Gareth Crook:

Goolhaye: Vicente Guaita (Crystal Palace)

Difaaca: Timothy Castagne (Leicester), Gabriel (Arsenal), Romain Saiss (Wolves), Tariq Lamptey (Brighton)

Dhexda: Jeff Hendrick (Newcastle), James Rodriguez (Everton), Willian (Arsenal)

Weerarka: Mohamed Salah (Liverpool), Dominic Calvert-Lewin (Everton), Pierre-Emerick Aubameyang (Arsenal)

Advertisements

Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Laacib.net

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*