DAAWO: Nin Qaawan Oo Garoonka Soo Galay Kulanka Manchester United & Granada Ee Europa League

Daqiiqado kooban markii ay socotay ciyaartii ay Manchester United martida ugu ahayd Granada ee lugta hore ee wareegga siddeedda Europa League, waxa mar kaliya ay indhuhu ku jeedsadeen in qaawan oo dhex ordaya ciyaartoyda.

Advertisements

Garoonka oo madhnaa, ayna joogeen ilaalo albaabada xidhay maadaama aan loo ogolayn taageereyaal, waxa si lama filaan ah mar kaliya kaamirooyinku usoo qabteen nin qaawan oo dhex ordaya garoonka, kaas aan la garanayn sida uu garoonka kusoo galay.

Advertisements

Ninkan oo maareeyey in uu kasoo gudbo ilaalada amaba meelo kale kasoo fantay, suurtogalna ay tahay inuu waqti hore yimid garoonka ayaan ka baxsanin ilaalada gudaha, waxaanu usoo orday dhinacooda.

Ciyaarta ayaa xoogaa loo istaajiyey maadaama uu garoonka dhex jiibsaday, ka hor intii aanay ciidanku gacanta ku dhigin ee aanay ka saarin qaybta lagu ciyaarayay ee garoonkan.

Ninkna oo gadh timo dhaadheer iyo gadh weyn ay qariyeen madaxiisa iyo wajigiisaba ayaa gacmihiisa kala bixinayay.

Boosliska ayaa markii ay qabteen u muuqday in ay xidhayaan, laakiin wax faahfaahin ah kamay bixin inkasta oo illaa berri laga sugayo in kooxda Granada ay ka hadasho sida uu ninkani kusoo galay garoonka.

Si kastaba, ninkan ayaa hadal hayn badan ka abuuray baraha bulshada, waxaana la is weydiinayaa sida uu garoonka kusoo galay iyo ujeeddada uu lahaa.

Halkan ka daawo muuqaalka:

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*