Chelsea Oo Guul Dahabi Ah Kasoo Gaadhay Newcastle United, Abraham Oo Shabaqa Gaadhay & Blues Oo Hoggaanka La Wareegay

Advertisements

Kooxda Chelsea ayaa guul kasoo gaadhay dhigeeda Newcastle United kulan xiiso badan oo 2-0 kusoo dhammaaday oo ay hoggaanka horyaalka kula sii wareegeen xiddigaha tababare Frank Lampard.

Chelsea ayaa goolasha ay kulankan saddexda dhibcood ka heshay gool uu si qaldan iskaga dhaliyay Fernandez iyo mid uu saxeexay Abraham.

Shaxdii Kulankan Ee Labada Kooxood

Advertisements

CHELSEA XI: Mendy, James, Rudiger, Zouma, Chilwell, Kante, Kovacic, Mount, Ziyech, Abraham, Werner.

Kaydka: Kepa, Christensen, Azpilicueta, Emerson, Jorginho, Hudson-Odoi, Giroud.

Newcastle XI: Darlow, Clark, Lascelles, Fernandez, Manquillo, Hayden, S Longstaff, Lewis, Murphy, Saint-Maximin, Joelinton.

Kaydka: Gillespie, Schar, Krafth, Hendrick, Shelvey, Almiron, Carroll.

FAAH-FAAHINTA KULANKA

Chelsea ayaa kulankan ku bilaabatay qaab cajiib ah, Timo Werner ayaa daqiiqadii 4-aad ee kulankan hoggaanka u dhiibi gaadhay kooxdiisa balse darbad joog hoose ah oo uu laagay ayuu xakameeyay goolhaye Darlow oo dhinac u saaray kubadda.

Markale Blues ayaa qarka u fuulay inay hoggaanka qabtaan, Hakim Ziyech ayaa karoos sarre qaaday waxaana meel dhaw madaxa ka raaciyay Tammy Abraham balse markale goolhaye Darlow ayaa kubadda dhinac u tuuray.

GOOAL: Chelsea ayaa daqiiqadii 10-aad ee kulankan hoggaanka qabatay, Kubad uu goolka soo hordhigay Mason Mount ayuu si qaldan iskaga dhaliyay daafaca Magpies ee Fernandez.

Weeraryahanka Newcastle United ee Joelinton ayaa meel fog kubadda kaga laagay goolka uu masuulka ka ahaa Mendy laakiin isku daygiisa ayaa hareer maray goolka.

Timo Werner ayaa daqiiqadii 30-aad ee kulankan fursad cadaan ah ka lumiyay Chelsea, kubad deg deg ahayd oo uu Abraham goolka ugu hor xakameeyay Werner ayuu xiddiga ree Germany meel aad u dhaw kubadda oo uu laagay goolka hareer mariyay.

Qaybta hore ee kulanka ayaa ku dhammaatay hoggaan 0-1 ah oo ay Chelsea ku horkacaysay, Blues ayaa uga mahad celinaya goolka xiddiga Newcastle ee Fernandez oo si qaldan iskaga dhaliyay.

GOOAL MAYA MAYA!1 Newcastle ayaa fursad dahabi ah heshay bilawgii qaybtii dambe, Isaac Hayden ayaa kubad uu la jiidhay daafaca Chelsea toos ula hortagay goolhaye Mendy balse kubadda oo uu si aad u sahlan ku dhalin karayay ayuu goolka dul mariyay.

GOOAL: Chelsea ayaa qaybtii labaad ee kulankan goolka labaad ee kooxdeeda ka heshay Tammy Abraham kaddib caawin uy ka helay Timo Werner, xiddiga ree Germany ayaa dhex orday daafacyada Newcastle isaga oo goolka hortiisa kubad sahlan u dhigay Abraham oo raaciyay.

Advertisements

 

Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

Noqo Qofka Ugu Horeeya Ee Comment Soo Qora

Aragti Ka Dhiibo Warbixintaan

Email-kaaga Lama Soo Bandhigi Doono.


*