CAJIIB: Sawirka Mbappe Oo Lagu Dhajiyay Qolka Labiska Barcelona, Shaqsigii Ka Dambeeyay & Waxa Uu Uga Jeeday

Kylian Mbappe ayaa ahaa xiddiga kulankii dhex maray kooxaha Barcelona iyo Paris Saint-Germain bishii hore walow tababare Ronald Koeman uu ahaa mid qaab xiiso leh iskugu dayay inuu xiddigaha kooxdiisa ugu sheego sida uu halista ugu yahay.

Advertisements

Tababaraha Dutch-ka ah ayaa isku dayay inuu dhiirigelin u sameeyo xiddigaha kooxdiisa kahor kulankaas lagu bahdilay Camp Nou dhexdiisa balse qaabka uu dhiirigelinta u sameeyay ayaan noqon mid wax muuqda taray.

Image

Kulanka oo ahaa lugta koowaad ee wareega 16-ka Champions League ayay Paris ku guuleysatay 4-1 iyadoo Mbappe uu saddexley goolal ah dhaliyay.

Xiddigaha Barcelona garoonka ugu jiray ayaa ahaa kuwo waxay ka qaban karayeen Mbappe ay yarayd inkasta oo Koeman uu isku dayay inuu halistiisa uga digo ciyaarta kahor.

Advertisements

Sida uu sheegayo wargeyska L’Equipe ee France kasoo baxaa, Koeman ayaa isku dayay inuu xiddigahiisa guubaabiyo isaga oo sawirka Mbappe ku dhajiyay qolka labiska kooxda si ay u arkaan ciyaaryahanka uu ku sifeeyay cadawga koowaad ee ay wakhtigaas lahaayeen.

Koeman ayaa ahaa mid ku faraxsan qaabka ay ciyaaryahanada kooxdiisu ula macaamileen Kylian 30-kii daqiiqo ee ugu horreeyay iyadoo Lionel Messi uu rigoore hoggaanka ugu dhiibay wakhtigaas.

Balse haddiiba uu shaki ku jiray xiddiga ugu muhiimsan ee garoonka ku jira, Mbappe ayaa deg-deg kor iskugu qaaday isaga oo goolka bar-bardhaca u keenay kooxdiisa kahor inta uusan ka labaad hoggaanka ugu dhiibin.

Koeman oo kulankaas kaddib saxaafada la hadlay ayaa sheegay in natiijadu ay muujinaysa sida ay PSG uga awood badnayd isaga oo diiday inuu wax marmarsiyo ah sameeyo.

Advertisements
Advertisements

App-ka cusub ee laacib.net waxaad ka degsan kartaa google play store haatan, wararka degdeg ah waxay kuugu soo dhacayaan mobile-kaaga RIIX HALKAAN SI AAD U DEGSATO

1 Fekrad

Aragti Ka Dhiibo Warbixintaan

Email-kaaga Lama Soo Bandhigi Doono.


*