Difaaca kooxda Real Madrid, Raul Asencio, ayaa shaqada ka eryay qareenadiisa kadib markii dacwad-ooge cusub uu ku eedeeyay inuu ku lug leeyahay fadeexad muuqaal galmo ah oo lala xiriiriyay qof yar da’ ahaan, sida uu qoray wargeyska Marca.
Dacwad-oogaha ayaa dalbanaya in Asencio lagu xukumo afar sano oo xarig ah, inkasta oo maxkamad hore ay bishii May si buuxda u sheegtay inuu wax dambi ah ku lahayn kiiskaas – iyadoo la sheegay inuusan qayb ka ahayn samaynta ama faafinta muuqaalka.
Hadda, Raul Asencio waxaa kiiska u sii wadi doona qareennada kooxda Real Madrid, kuwaasoo si adag u rumeysan in ciyaaryahanku yahay mid aan wax dambi ah gelin.
Dacwad-oogaha cusub ayaa ku adkeysanaya in Asencio uu goobta falka ka dhacay joogay, taasoo uu u arko sabab lagu ciqaabi karo – inkasta oo aan jirin wax caddeyn ah oo si toos ah ugu xidhaya falka ceebta leh.
Kiiskan ayaa mar kale dib u soo laabtay, waxaana muuqata inuu waji cusub yeelan doono, iyadoo Real Madrid ay si buuxda u garab taagan tahay xiddigeeda.