Wargeyska Marca ayaa shaaca ka qaaday in Marcus Rashford uu diyaar u yahay inuu si weyn hoos ugu dhigo mushaarkiisa si uu ugu biiro kooxda Barcelona xilli ciyaareedka soo socda.
Rashford ayaa haatan ka qaata Manchester United mushaar gaaraya €18 milyan sanadkii, taas oo aad uga badan waxa Barcelona awoodi karto inay bixiso marka loo eego xaddiga mushaaraadka ee u degsan kooxda.
Laacibkan reer England ayaa la rumeysan yahay inuu oggol yahay in mushaarkiisa la yareeyo ilaa kala bar ama ka badan, haddii ay fursad u noqoto inuu xirto maaliyadda kooxda riyadiisa – Barcelona.
Manchester United ayaa horey uga dhigtay qiimaha lagu heli karo Rashford xagaagan €40 milyan.
Xilli ciyaareedkii hore, Rashford wuxuu aad ugu dhowaa inuu amaah ugu biiro Barca bishii Janaayo, balse heshiiskaas wuu burburay sababo la xiriiray mushaarkiisa sare, taas oo keentay inuu ugu dambeyn doorto inuu ku biiro Aston Villa.