Manchester United ayaa haatan diyaar u ah inay amaah ku dirto weeraryahanka Marcus Rashford, si ay u maareeyaan mushaarkiisa sarreeya. Horey waxay kooxda u doonaysay in ay si toos ah u iibiso xiddigan, iyadoo qiimo dhan €40 milyan lagu dalbaday.
Rashford ayaa meesha ka saaray inuu u wareego kooxaha Sacuudiga, wuxuuna doonayaa inuu sii joogo Yurub. Wakiilkiisa ayaa dhawaan ku sugnaa magaalada Barcelona, halkaas oo kooxda reer Spain ay weli xiisaynayso saxiixiisa.
Rashford ayaa Barcelona u sheegay inuu diyaar u yahay inuu dhimo mushaarkiisa si uu ugu biiro kooxda. Si kastaba ha ahaatee, Barcelona ayaa haatan doorbideysa weeraryahanka Liverpool ee Luis DÃaz, oo ah dookhooda koowaad ee booska weerarka.
Kooxo kale oo ay ka mid yihiin Chelsea, Arsenal, Aston Villa, Inter Milan, iyo AC Milan ayaa sidoo kale dalabyo amaah ah u gudbiyay United si ay u helaan Rashford.
Barcelona waxay go’aan kama dambeys ah ka gaari doontaa bishan Juun haddii ay awoodaan inay helaan Luis DÃaz, ka hor inta aysan tallaabo u qaadin xiisahooda Rashford.