Joao Cancelo: “Vini waa ciyaaryahan si xad dhaaf ah u degdeg badan, waana mid aan la saadaalin karin”
Joao Cancelo ayaa ka hadlay kulankii Real Madrid iyo Al Hilal ee barbaraha 1-1 ku dhammaaday koobka FIFA Club World Cup, isagoo si gaar ah u amaanay Vinicius Junior, kaasoo uu wajahay intii lagu guda jiray ciyaarta.
Markii la weydiiyay dareenkiisa ku aaddan weeraryahanka Madrid, Cancelo wuxuu yiri:
“Vini Jr? Waa mid si adag u ciyaaro.”
Cancelo ayaa si cad u muujiyay caqabadaha uu la kulmay isagoo difaacaya Vinicius, wuxuuna ku sifeeyay:
“Waa mid aad u degdeg badan oo aan la saadaalin karin.”
Isagoo hadalkiisa soo afmeeraya, Cancelo wuxuu carrabka ku adkeeyay qiimaha ay leeyahay in lala ciyaaro xiddigo heerka sare ah:
“Mar walba waa sharaf inaad la ciyaarto ciyaartoyda ugu wanaagsan adduunka.”