Florian Wirtz ayaa si furan uga hadlay sababta uu ugu biiray kooxda Liverpool kadib wareysi uu siiyay mareegta rasmiga ah ee kooxda, isagoo caddeeyay in uu haystay fursado kale xagaagan – oo ay ku jirto sii joogista kooxda Bayer Leverkusen.
Maxay tahay sababta aad u dooratay Liverpool?
Wirtz ayaa ku jawaabay:
“Waxaan dareemay in xilligan uu yahay waqtigii saxda ahaa ee aan talaabo xigta u qaadi lahaa xirfadeyda, dabcan waxaan rabay inaan ku biiro koox ka mid ah saddexda ugu sarreeya adduunka, anigoo aaminsan in Liverpool ay ka mid tahay.”
Wuxuu intaas ku daray:
“Runtii waxaan is arkay anigoo gacanta ugu jira dadkii saxda ahaa halkan. Waxaa i qanciyay dadka halkaan jooga, fikirka kooxda iyo wax walba oo ay ii hayaan – dhammaan waxay ahaayeen kuwo heer sare ah.”
“Ugu dambeyn, way sahlanayd in aan xiiso u qaado imaanshaha Liverpool.”