Kooxdee Iska Celin Laheyd Haddii Shaxda Ugu Fiican Laga Sameeyo Xiddigaha Ajaaniibta Ee Ka Ciyaarta Premier League?

Kooxaha Premier league ayaa inta badan lagu eedeeyaa in ay hadda door bidaan in ay la soo saxiixdaan ciyaartoy ajaaniib ah halkii ay ka dhiiro galin lahaayeen ciyaartoyda da’yarta ah ee England u dhashay iyada oo waliba la filayo in sharci cusub uu FA-gu dhaqan galin doono marka la dhamaystiro ka bixitaanka UK ee midawoga Yurub.

Laga soo bilaabo markii magaca Premier league la bixiyay sanadkii 1992 kii waxaa si wayn u soo kordhayay ciyaartoyda aan UK u dhalan ee saamaynta wayn ku soo yeeshay horyaalka Ingiiriska laakiin haddii shaxda ugu fiican laga soo xulo ciyaartoyda Premier league ee aan UK u dhalin miyay koox iska celin lahayd?.

Shax laga sameeyay ciyaartoyda waqti xaadirkan ka ciyaarta horyaalka Premier league ee aan England u dhalan oo muuinaysa in ay noqon karto koox cajiib ah oo ay adkaan lahayd in guul laga gaadhi lahaa.

Shaxdan ayaa loo qaabeeyay 3-5-3 oo ah saddex difaac ah, shan khadka dhexe ah iyo waliba saddex weerar ah, ayaase kooxdaada ugu soo baxay shaxdan?. Halkan kaga bogo shaxda kooxda ugu fiican Premier league ee laga sameeyay ciyaartoyda ajaanibta ah.

Min Sergio Aguero, Mohamed Salah ilaa Aubameyang oo ka mid ah ciyaartoyda heerka caalami ee ka ciyaara horyaalka Premeir league ayaa shaxdan ka soo muuqday si la mid ah Roberto Firmino, Alisson Becker ilaa  Lucas Torreira.

Shaxda Kooxda Premier Leauge Ugu Fiican Ee Ciyaartoyda Aan England U Dhalan:

Goolhaye: Alisson Becker

Difaaca Dhexe: Davinson Sanchez

Difaaca Dhexe: David Luiz

Difaaca Dhexe: Yerry Mina

Dhexda Midig: Mohamed Salah

Khadka Dhexe: Lucas Torreira

Dhexda Bidix: Sadio Mane

Dhexda Hore: Roberto Firmino

Weerarka Dhexe: Sergio Aguero

Weerarka Dhexe: Pierre-Emerick Aubameyang

Haddii uu tababare shaxdan kooxdan ku haysto Premier league miyay jiri lahayd koox ka dhisan horyaalka Ingiriiska oo shaxdan iska celin kari lahayd? Miyay jiraan ciyaartoy shaxdan u qalmay oo aan ka soo muuqan?