Sida laga soo xigtay Sky Sports, Chelsea ayaa iska diidday inay bixiso £25 milyan si ay ula soo wareegto goolhaye Mike Maignan.
Maignan oo 30 sano jirsanaya bisha soo socota, waxaa heshiiskiisa uga harsan hal sano, taasoo ka dhigaysa qiimaha sare mid aan macquul ahayn in la bixiyo iyadoo waqtigiisu gabaabsi yahay.
Chelsea kama hor imaanayso inay sii haysato goolhaye Robert Sanchez, maadaama uu bandhig wanaagsan sameeyay xilli ciyaareedkiisii ugu horreeyay ee uu la shaqeeyay tababare Enzo Maresca.
Sidoo kale, saxafiga suuq-geynta ciyaartoyda ee Fabrizio Romano ayaa xaqiijiyay in Chelsea ay ku qiimeyso Maignan kaliya €10 milyan, islamarkaana aysan sugi doonin wax ka badan Isniinta si ay heshiiska u dhameystiraan.