Kooxda Arsenal ayaa la xiriirtay Chelsea si ay u helaan Noni Madueke, iyadoo tababare Mikel Arteta uu sii wado baadi-goobka xoojinta weerarka ka hor xilli ciyaareedka cusub, sida laga soo xigtay The Independent.
Labada kooxood ee London ayaa wadahadallo yeeshay, waxaana la sheegay in Chelsea diyaar u tahay inay iibiso Madueke, maadaama ay qorsheynayaan suuq kale oo mashquul ah xagaagan.
Soo laabashada xiddiga reer Brazil Estevao oo laga keenayo Palmeiras ayaa la filayaa inay xoojin doonto tartanka weerarka tababare Enzo Maresca, taasoo hoos u dhigi karta fursadaha Madueke ee kooxda koowaad.
Si kastaba, Chelsea waxay ku qiimeysay Madueke £50 milyan, qiimo Arsenal aysan diyaar u ahayn inay hadda bixiso.
Inkastoo heshiis uusan dhoweyn, ilo xog ogaal ah ayaa sheegaya in wadahadallada dib loo furi karo hadba sida suuqa iyo qorsheyaasha labada koox ay isu beddelaan xagaaga.