Renato Tapia Oo Shaaca Ka Qaaday Wixii Uu U Sheegay Radamel Falcao Intii Ay Socotay Ciyaartii Colombia & Peru, Miyeyse Yahiin Arimo Murran Dhalin Kara?

by Abdirashid Mohamud "SHarDinHO" | Thursday, Oct 12, 2017

Xulalka  Colombia iyo Peru ayaa ku kala baxay barbaro 1-1 kulankii ugu dambeeyay isreeb-reebka koobka Aduunka wadamada Koonfurta America, natiijadaas waxey ka dhigtay in labada xul ay si kala duwan u rumeeyaan riyadooda koobka Aduunka.

Colombia waxey kusoo baxeen booska 4-aad, halka Peru ay kusoo baxday booska 5-aad taasoo ka dhigan iney play-off la ciyaari doonto New Zealand.

Waxaa jirta dhaleeceyno u imaanaya labada kooxood, madama lasoo bandhigay sawiro iyo muuqaalo ka turjumaya sida uu Radamel Falcao ugu qanciyay ciyaartoyda Peru ineysan ciyaarta dhinac u dhaqaajin madama ay faa’iido ugu jirto.

Si kastaba xidiga khadka dhexe Peru Renato Tapia ayaa ka hadlay wada sheekeysigii dhexmaray isaga iyo Falcao wuxuuna u waramayay Panamericana Television.

“Waxaan aheyn kuwa diirada saaraya kulanka, kadib shanta daqiiqo ee ugu dambeysay ayey Colombian-ka noo soo dhawaadeen”

“Wey ogaayeen xaaladda ka jirta garoomada kale”

“Ciyaarta waxaa loo maamulay sida ay aheyd in loo maamulo”

“Waxaan la hadlay Falcao, wuxuuna igu yiri  – inaan labadeena soo baxnay, sidaas darteed wey na farxad galisay arintaas”

Natiijada ayaana uga dhigneed in Peru ay ku dhameysatay meel ka sareysa Chile iyadoo kaliya ka sareysa farqiga goolasha.

Aragtidaada Ku Dhiibo Facebook

comments