DEG-DEG: Alisher Usmanov Oo Lacag 1.3 Bilyan Dollar Ah Ku Dalbaday In Saamiga Arsenal Uu Kagala Wareego Ninka Saamiga Ugu Badan Ee Stan Kroenke.

by Mohamoud Batalaale | Friday, May 19, 2017

Bilyaneerka dalka Ruushka u dhashay ee Alisher Usmanov oo ka mid ah dadka saamiga aan waynayn ku leh kooxda Arsenal ayaa dalab 1.3 bilyan dollar ah miiska u saaray ninka saamiga ugu badan Arsenal ku leh ee Stan Kroenke si uu u noqodo saamilaha ugu badan ee kooxda Gunners. Alisher Usmanov ayaa ka mid ah dadka sida wayn u dhaliilsan Stan Kroenke wuxuuna doonayaa in uu la wareego maamulka kooxda Gunners.

Alisher Usmanov ayaa boqolkiiba 30% ku leh saamiga kooxda Arsenal wuxuuna hore u dalbaday in sarre uu u qaado lahaasha kooxda si uu maamulkeeda wax wayn uga badali karo laakiin Alisher Usmanov ayaa waqtiyadii la soo dhaafay laga diiday dalab uu ku doonayay in uu sarre ugu qaado saamigiisa Gunners.

Wargayska Financial Times ayaa hadda shaaca ka qaaday in bilyaneerkan ree Russia ee Alisher Usmanov uu dalab 1.3 bilyan dollar ah oo u dhiganta 1 bilyan gini uu ku doonayo in uu kula wareego lahaanshaha Stan Kroenke kaas oo ay shirkadiisa  Kroenke Sports & Entertainment ay leedahay boqolkiiba 67% saamiga ah kooxda Arsenal.

Laakiin wararka ayaa sheegaya in Stan Kroenke aanu doonayn in uu iska iibiyo saamiga wayn ee uu ku maamulo kooxda Arsnenal. Stan Kroenke ayaa eedayn wayn kula kulmaya hubanti la’aanta mustaqbqlka Arsene Wenger iyo xidigaha muhiimka ah ee Alexis Sanchez, Mesut Ozil iyo xidigha kale ee ay heshiiyadoodu dhacayaan.

Arimaha Qoyska , Jaceylka - Booqo Alcarabiya.com

Aragtidaada Ku Dhiibo Facebook

comments